Një teoricien i konspiracionit ka parashikuar se bota do të marrë fund pikërisht nesër. Kësaj radhe, mënyra se si do të marrë fund bota që në njohim është nëpërmjet përplasjes me të ashtuquajturin Planet X. Kjo teori e përhapur kryesisht në Youtube e detyroi shkencëtarin e NASA-s, David Morrison, të dalë për të hedhur poshtë këtë skenar.
David Meade, njeriu që bëri parashikimin e fundit të botës, thotë se bazohet në përllogaritjet mbi eklipsin diellor të ndodhur më 21 gusht. Ai thotë se ky eklips ishte shenjë e shfaqjes së Nibiru, ose ndryshe Planeti X, që do t'i japë fund botës në tetor.
Meade citon pasazhe nga Bibla, që sipas tij lidhen me fenomenin astronomic, por për shkencëtarin David Morrison argumentet e tij janë nonsens.
“Nuk na duhet një astronom për të kuptuar se atje lart në qiell nuk ka një objekt të shndritshëm që është drejtuar nga Toka. Nëse Nibiru është planet me një masë të konsiderueshme, ai do të kishte ndikuar tashmë në orbitën e Marsit dhe Tokës”, argumenton ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
