Goditen tre raste të organizimit të kundraligjshëm të lojërave të fatit, në Krujë, ku ishte përshtatur një lokal me makineta dhe kompjuter, si dhe në Tiranë e në Shkodër, vënia e basteve nëpërmjet celularëve.
Në kuadër të operacionit të koduar “Fati i lojërave”, janë vënë në pranga 3 shtetas dhe është shpallur në kërkim 1 shtetas dhe proceduar në gjendje të lirë 1 tjetër.
Në Krujë, u godit përshtatja e një lokali për organizimin e kundërligjshëm të lojërave të fatit me makineta dhe kompjutera.
Si rezultat, u vu në pranga shtetasi R. P., 32 vjeç, u procedua në gjendje të lirë shtetasi G. N., 52 vjeç dhe u sekuestruan 4 makineta dhe 1 kompjuter.
Në Tiranë, u arrestua shtetasi K. C., 20 vjeç dhe u shpall në kërkim shtetasi R. A., 24 vjeç, pasi vinin baste sportive nëpërmjet disa celularëve që u sekuestruan në cilësinë e provës materiale.
Në Shkodër, në një lokal, u kap në flagrancë shtetasi Sh. V., 56 vjeç, që vinte baste sportive, nëpërmjet celularit.
Kontrollet vijojnë, me qëllim parandalimin, evidentimin dhe goditjen e veprimtarive të kundërligjshme në fushën e lojërave të fatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
