Hapet rruga e re për në Rinas/ Rama: Lehtëson lëvizjen e automjeteve dhe iu vjen në ndihmë banorëve të zonës

Nga pasditja e djeshme, është hapur për qarkullim rruga e re që çon drejt Aeroportit të Rinasit.

Rruga është hapur dhe për mjetet që shkojnë drejt aeroportit.

Kryeministri Edi Rama e ka nisur ditën këtë të shtunë me pamjet e rrugës së re që të çon drejt Aeroportit Ndërkombëtar “Nënë Tereza”.

Mirëmëngjesi, dhe me rrugën e re drejt aeroportit “Nënë Tereza”, e hapur prej ditës së djeshme për qarkullimin e automjeteve, që lehtëson lëvizjen e automjeteve dhe iu vjen në ndihmë banorëve të zonës, ju uroj një fundjavë të mbarë.

Ky devijim vjen pas protestës së banorëve të zonave përreth aeroportit të Rinasit për hapjen me dy drejtime të rrugës.

Kështu ARRSH nisi procedurën për ndërtimin e aksit të ri Kthesa e Kasharit-Fshati Ahmetaq-Rinas, që u hap dje.