Punësime në Drejtorinë e Ujesjëllës-Kanalizimeve në Durrës në prag të zgjedhjeve. Me këtë argument, zyra e zv.kryeministres i është drejtuar Prokurorisë së Përgjithshme për vlerësimin e disa rasteve të konstatuara në këtë institucion në periudhën 25 maj – 13 qershor. Zyra e zv.kryeministres Mandija e kosnideron këtë konstatim shkelje të Kodit Elektoral dhe kërkon nisjen e hetimit.
Taks Forca e kryesuar nga Mandija ka konstatuar të njëjtën shkelje edhe në Albpetrol. Sipas njoftimit, në këtë shoqëri,e cila ka vartësi direkt nga Ministria e Energjisë dhe Industrisë, pas datës 26 maj 2017 janë punësuar 18 shtetas në shkelje të Kodit Elektoral.
Po ashtu, punësime të tilla janë konstatuar në Drejtorinë e Përgjithshme të Hekurudha.
“Zyra e zv.kryeministres Mandija njofton Prokurorinë se ka dyshime të arsyeshme që janë konsumuar elementët e veprës penale të shpërdorimit të detyrës parashikuar nga neni 248 i Kodit Penal dhe korrupsionit aktiv në zgjedhje parashikuar nga neni 328 i Kodit Penal. Për këtë arsye materiali i është përcjell për vlerësim të mëtejshëm Prokurorisë”, thuhet në njoftim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
