Stërvitjet e vazhdueshme ushtarake të përbashkëta SHBA-Kore e Jugut e shtyjnë rajonin në prag të luftës bërthamore.
Kështu shkruan agjencia koreano-veriore KCNA në një koment të një analisti të sigurisë ndërkombëtare, Choe Ju Hyon, i cili kundërshton manovrat dhe i konsideron si një “faktor nxitës për ta çuar situatën në gadishullin korean në pikën e shpërthimit”.
“Histeria e pamatur e konfrontimit ushtarak të SHBA-së dhe ndjekësve të saj kundër Koresë së Veriut po e çon situatën në gadishullin korean drejt një katastrofe të pakthyeshme”, thuhet në artikullin e publikuar nga Pheniani, i cili vazhdon të ushqejë frikën e komunitetit ndërkombëtar me testet e tij raketore.
Në këtë kuadër po zhvillohen edhe stërvitjet ushtarake amerikane me aleatin e saj Korenë e Jugut.
Sipas Ministrisë së Mbrojtjes së Seulit, të mërkurën Shtetet e Bashkuara të Amerikës kanë dërguar një bombardues strategjik B-52H në rajon për stërvitje ajrore.
Forcat detare amerikane së fundmi janë angazhuar në stërvitje të përbashkëta detare me Korenë e Jugut dhe Japoninë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
