Kryedemokrati Sali Berisha deklaron se reagimi ndaj protestuesve opozitarë një ditë më parë dëshmon se Edi Rama është i pashpresë.
Në një komunikim për mediat ditën e sotme, ai deklaroi se u ndaluan 25 vetë, nga të cilët 17-ve u kanë komunikuar masën e arrestit, pa asnjë fakt.
Sipas tij, Edi Rama është një hakmarrës primitiv, i cili për t’i shpëtuar ligjit nga miliardat që ka vjedhur, është i gatshëm të kryejë çdo veprim vetëm e vetëm t’i shpëtojë ligjin.
Berisha shtoi se i tmerruar nga qëndrueshmëria e protestuesve, Edi Rama kishte përgatitur skenarin e gjakderdhje dhe e ekzekutimin e protestuesve paqësorë në shesh.
Ai kishte vënë në komandë, në krye të banditëve me uniformë, kriminelin famëzi Sokol Bizhga, njeriun që dorëzoi tek bandat oficerin e policisë Gjergj Mehmeti që ndodhej në makinë me të. Dhe ky shpëtoi, kurse atë e dogjën të gjallë banditët në rrugën Sarandë-Gjirokastër. Gjergj Mehmeti u tradhtua nga një i pabesë që meriton të gjitha dënimet për tradhtinë e tij. Dhe ky kriminel është sot në pozitat më të larta në policinë e Edi Ramës.
Ky urdhëroi snajperët të qëllojnë katër protestues, të cilët në mënyrë absolute nuk po kryenin asnjë veprim ndaj policëve të rendit. Jo. Ilir Tusha, protestues i vazhdueshëm në protestat tona, po filmonte, në një kohë kur e godasin snajperët në ballë. Goditja me plumba gome në kokë provohet në të shumtën e rasteve vdekjeprurëse.
Tjetër, Luan Lleshi i goditur edhe ai pa asnjë motiv. Demë Dollapi, i goditur edhe ai në kokë. Me plagë. Dhe një zonjë. Pra, janë katër protestues të plagosur, të qëlluar tre prej tyre në kokë, me qëllim eliminimin fizik të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
