Gjashtë tanket Leopard të premtuara nga Spanja për Ukrainën u nisën nga deti të premten në mbrëmje dhe do të arrijnë në destinacionin e tyre në ditët në vijim.
Kështu deklaroi ministrja spanjolle të Mbrojtjes Margarita Robles.
“Leopardët" si dhe rreth njëzet automjete transporti, janë hipur në portin e Santanderit dhe janë nisur për në Ukrainë, ku do të mbërrijnë pas pesë deri në gjashtë ditë. Katër leopardë të tjerë po riparohen dhe kur kjo të ndodhë, ata do të shkojnë edhe në Ukrainë.
Ndërkohë presidenti ukrainas Volodymyr Zelensky ka vendosur sanksione të reja kundër qindra personave fizikë dhe juridikë rusë, duke përfshirë Partinë Komuniste të Federatës Ruse dhe Partinë Liberal Demokratike.
Lajmi është raportuar nga faqja e internetit e qeverisë kombëtare të Ukrainës, e cituar nga Ukrainska Pravda.
Partia Socialiste dhe Rusia e Bashkuar preken gjithashtu nga sanksionet, si dhe një sërë kompanish.
Sanksionet u vendosën për 10 vjet. L ista e fundit përmban më shumë se 320 emra të shoqërive aksionare ruse që i nënshtrohen masës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
