Japonia ka lënë në pritje një pjesë të vaksinave Moderna pasi një substancë e huaj u gjet në një shishe.
Një farmacist pa disa grimca të zeza në një shishe të vaksinës në Kanagawa, sipas autoriteteve.
Rreth 3,790 njerëz kishin marrë tashmë një dozë të vaksinave të kësaj serie, ndërsa pjesa tjetër e është lënë në pritje.
Lajmi vjen një javë pasi Japonia pezulloi përdorimin e rreth 1.63 milion doza Moderna për shkak të kontaminimit.
Farmacisti gjeti grimcat e zeza ndërsa kontrollonte për substanca të huaja para përdorimit të vaksinës.
Raportet e mediave lokale thonë se nuk ka asnjë provë deri tani për ndonjë rrezik shëndetësor të shkaktuar nga vaksina potencialisht e kontaminuar.
Takeda Pharmaceutical, e cila shet dhe shpërndan vaksinën në Japoni, javën e kaluar kishte vënë në pritje tre seri të vaksinës pasi u gjetën "materiale të huaja" në disa doza të një serie prej afërsisht 560,000 shisha.
Të martën, ministri japonez i shëndetësisë tha se lëndët e jashtme të gjetura në shishen në prefekturën jugore të Okinawa ishin për shkak të gjilpërave të futura gabimisht në të.
Japonia po përballet me një rritje të rasteve të Covid ndërsa pret Lojërat Paralimpike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
