Më pak se 700,000 fëmijë do të lindin në Francë në vitin 2023, një rekord negativ lindjesh që nga fundi i Luftës së Dytë Botërore: këtë e bën të ditur sot INSEE, instituti kombëtar i statistikave të Francës.
Sipas të dhënave të publikuara sot, në 1 janar 2024, Franca kishte 68.4 milionë banorë, një rritje prej 0.3% krahasuar me vitin e kaluar.
Sa i përket shkallës së lindjeve, ajo është ulur me 6.6%, me vetëm 678,000 lindje në 2023: niveli më i ulët që nga viti 1946.
Prej vitesh, një vend në krye të Europës për sa i përket lindjeve, Franca tashmë ka vuajtur prej disa kohësh nga një rënie e theksuar e lindjeve.
Fenomeni, i prekshëm pavarësisht stimujve të shumtë shtetërorë për familjet dhe natalitetin, prek të gjitha qarqet e vendit.
Tashmë në vitin 2022 kanë lindur 726 mijë fëmijë, 2,2% më pak se në 2021 dhe 13% më pak se në vitin 2010, viti i fundit i lindjeve të forta përpara fillimit të kurbës rënëse.
Rënia është më shumë se 20% krahasuar me vitin 1971, vit në të cilin pati një kulm të lindjeve që nga fundi i Luftës së Dytë Botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
