Një studim i ri i sponsorizuar nga Shkolla Mjekësore e Harvardit në Boston do të testojë efikasitetin dhe sigurinë e një qasjeje të re për të luftuar infarktin dhe për të parandaluar rikthimin. "Apolipoproteina apo A-I", mund të jetë në gjendje të pastrojë arteriet e zemrës, duke thithur lipidet me të cilat bie në kontakt dhe duke i shkëputur ato nga pllaka aterosklerotike.
Terapia eksperimentale do të testohet në rreth 20,000 pacientë me sindroma akute koronare, si infarkti i miokardit, falë bashkëpunimit të 1,035 qendrave të rekrutuara në mbarë botën.
Objektivi kryesor i provës klinike të fazës 3 është të hetojë nëse ky trajtim është në gjendje të zvogëlojë rrezikun e ngjarjeve të mëtejshme kardiovaskulare 90 ditët e para pas sulmit në zemër, periudha e cenueshmërisë më të madhe, shpjegoi Dr. Roberto Pedretti, drejtor i Departamentit Kardiovaskular të Irccs MultiMedica.
Ndërsa medikamentet ekzistuese funksionojnë duke reduktuar sintezën e kolesterolit dhe duke parandaluar formimin e akumulimeve të reja, kjo terapi ka një qëllim më ambicioz dhe asnjëherë më parë të arritur: të sulmojë pllakat tashmë të pranishme në arterie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
