Ministria e Shëndetësisë ka bërë të ditur se në 24 orët e fundit kanë ndërruar jetë gjashtë persona të prekur me Covid-19, ndërsa janë regjistruar 185 raste të reja me koronavirus.
Personat që e kanë humbur betejën me Covid-19 janë një qytetar nga Tirana, një qytetar nga Peqini, një qytetare nga Lezha, një qytetar nga Fieri, një qytetar nga Kruja, dhe një qytetar nga Përmeti, të moshave 59-76 vjeç.
Rastet pozitive të konfirmuara janë identifikuar në këto bashki: 31 raste në Tiranë, nga 19 raste në Shkodër, Vlorë, 12 në Sarandë, nga 9 raste në Kurbin, Lezhë, nga 8 raste në Durrës, Kavajë, Cerrik, 6 në Kamëz, nga 4 raste në Kukës, Lushnje, Dibër, nga 3 raste në Fier, Berat, Vorë, Patos, nga 2 raste në Krujë, Mirditë, Rrogozhinë, Librazhd, Mat, Gjirokastër, Delvinë, Tepelenë, Vau i Dejës, nga 1 rast në Korçë, Elbasan, Has, Pukë, Mallakastër, Përmet, Ura Vajgurore, Fushë Arrëz, Belsh, Malësi e Madhe, Kolonjë, Klos, Skrapar, Konispol.
Në 24 orët e fundit janë shëruar 477 qytetarë, duke e çuar numrin e të shëruarve 30,276 që nga fillimi i epidemisë.
Aktualisht në katër spitalet COVID, po trajtohen 274 pacientë, 28 në terapi intensive nga të cilët shtatë pacientë janë të intubuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
