Gjykata e Apelit në Tiranë ka ndryshuar masën e sigurisë ndaj infermieres Ronida Hysi, e akuzuar se vodhi paratë e një pacienti me Covid, i cili ka ndërruar jetë. Gjykata është shprehur në vendimin e saj, se shkak për marrjen e këtij vendimi është bërë fakti se e akuzuara, ka fëmije të mitur.
Për këtë, është vendosur edhe masa e sigurisë “Arrest në shtëpi”.
Kujtojmë që pak ditë më parë, policia dhe prokuroria njoftuan mbi akuzat e ngritura ndaj infermieres Ronida Hysi. Kjo e fundit akuzohet se i ka vjedhur në total 80 mijë lekë të reja pacientit të infektuar me Covid. Kur ky i fundit kishte ndërruar jetë në spitalin Covid-1, infermierja dyshohet se i kishte marrë paratë nga portofoli dhe kartën e bankës, nga ku tërhoqi para në tre episode të ndryshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
