Ish-prokurori Arjan Ndoj është paraqitur ditën e sotme në Gjykatën kundër Korrupsionit dhe Krimit të Organizuar.
Mësohet se ai do të dëshmojë në gjyqin ndaj Plaurent Dervishaj i ekstraduar nga Dubai.
Kujtojmë se në zgjedhjet e 11 majit Arjan Ndoji u zgjodh deputet i Partisë Demokratike nga lista e hapur në Durrës.
Plaurent Dervishaj konsiderohet nga SPAK si organizatori i atentatit ndaj ish-prokurorit Arjan Ndoja në nëntor të 2019.
Dervishaj është anëtari i bandës së Durrësit dhe akuzohet edhe për vrasjen e Klodian Saliut në 2005, kryer në bashkëpunim si dhe Vajdin Lamajt e Artan Arsit me eksploziv, po në të njëjtin vit.
Dervishaj ndodhet në masë sigurie arrest me burg për “Pjesëmarrje në grup të strukturuar kriminal” dhe “Kryerjen e veprave penale nga grupi i strukturuar kriminal dhe organizata kriminale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
