Greqia, në përputhje me të drejtën ndërkombëtare dhe të drejtën e detit, hedh poshtë edhe një herë pretendimet e njëanshme të Turqisë dhe i cilëson kërcënimet e përsëritura të luftës si krejtësisht të papranueshme.
Kështu iu përgjigj ministria e Jashtme greke deklaratave që ministri i Jashtëm turk Mevlut Çavusoglu bëri ditën e djeshme.
"Greqia të bëjë një hap prapa dhe t'i përmbahet marrëveshjeve ose do të bëjmë atë që është e nevojshme", tha ministri turk, duke përmendur një stërvitje ushtarake të zhvilluar nga Athina në detin Egje dhe duke kërkuar çmilitarizimin e ishujve grekë me të cilët përballet Turqia.
“Deklaratat e zyrtarëve turq në lidhje me çmilitarizimin e ishujve të Egjeut janë refuzuar vazhdimisht në tërësinë e tyre në bazë të një sërë argumentesh, të përfshira edhe në letrat që Greqia i ka dërguar Sekretarit të Përgjithshëm të Kombeve të Bashkuara", përgjigjet Ministria e Jashtme greke, duke kujtuar sesi komuniteti ndërkombëtar e ka dënuar tashmë vënien në pikëpyetje të sovranitetit të ishujve grekë dhe kërcënimet e Ankarasë për luftë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
