Të paktën katër persona kanë humbur jetën dhe më shumë se 100 të tjerë janë lënduar nga stuhia që ka goditur Poloninë, njoftoi kryeministri i vendit Mateusz Morawiecki.
Në majën e malit Gievont një grupi i turistëve, në mesin e të cilëve kishte edhe fëmijë, u kap nga moti i keq i shoqëruar me vetëtima, raporton BBC.
Personi i pestë u vra në Sllovaki. Njëri nga viktimat raportohet të jetë një fëmijë.
Stuhia thuhet se ka zbritur befas pas një mëngjesi me diell.
Askush nuk e priste që të shpërthejë një stuhi kaq e papritur, dhe nga këndvështrimi ynë njerëzor ishte diçka e pamundur të parashikohej," tha kryeministri Mateusz Morawiecki pas një takimi të një këshilli emergjence në qytetin jugor të Zakopane.
Kishte raportime për viktima në pjesë të ndryshme të vargmalit. Të paktën katër helikopterë shpëtimi u dërguan në zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
