Dhjetëra familje libaneze që u kthyen në shtëpitë e tyre në Libanin jugor pas shpalljes së armëpushimit javën e kaluar ndërmjet Izraelit dhe Hezbollahut, kanë ikur sërish nga sulmet izraelite.
“I paketova gjërat e mia dhe fëmijët pasi erdhëm javën e kaluar në shtëpinë tonë pranë Tirit në Libanin jugor dhe u kthyem në shtëpinë që kisha marrë me qira në Malin Liban”, tha Haj Abu Mohammed për agjencinë gjermane të lajmeve DPA.
“Ne i mbijetuam luftës, por nuk dua të humbas fëmijët e mi. Ata u tmerruan mbrëmë kur dëgjuan përsëri bombardimin”, tha Abu Mohammed.
Izraeli nisi një seri sulmesh ajrore në Libanin jugor të hënën mbrëma, duke vrarë nëntë persona.
Sulmet u raportuan gjithashtu të martën, me rreth një duzinë të vrarë. Dronët izraelitë janë dëgjuar gjithashtu duke fluturuar mbi kryeqytetin Bejrut.
“Nuk na intereson kush i ka nisur shkeljet. Ne kujdesemi për të jetuar në paqe me familjet tona,” tha për DPA Fatima, e cila gjithashtu u kthye në veri të Libanit nga jugu i vendit.
Nuk ka ndërprerje në ciklin e përditshëm të vdekjeve, shkatërrimeve dhe shpërnguljeve në Gaza. Palestinezët thonë se çdo shpresë për një pauzë në sulmet izraelite pas armëpushimit në Liban po zbehet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
