Kryetarja e LSI-së, Monika Kryemadhi, e akuzoi kryeministrin Rama për lidhje me krimin. Gjatë fjalës në Kuvend, Kryemadhi tha se qeveria e Ramës ka dëmtuar ekonominë, arsimin, shëndetësinë.
“Krimi të mban peng dhe nuk të lëshon më kurrë. I përdore më 25 qershor si shokë tavolinash dhe sot të kërkojnë haraçin”, tha Kryemadhi duke iu drejtuar Ramës.
Ndërsa në replikën e tij me kryetaren e LSI-së, Rama listoi punësimet që sipas tij LSI-ja ka bërë në administratën shtetërore, pa asnjë kriter mbi arsimimin.
“Asnjë replikë vetëm një ilustrim shumë modest i arsyeve të dhimbjes që prodhon këtë lloj politike. Ndërmarrja shtetërore e transmetimit të energjisë elektrike:
Specialist i zyrës së pagave – nuk ka përfunduar shkolën e lartë
Zyra e projetimit të impianteve, drejtori – politikë agrare
Specialist i telekomunikacionit – masë sigurie arrest me burg, paguar deri në shtator
Remontier- arsim tetëvjeçar
Specialist i sigurimit teknik – arkitekturë
Manovrator – histori-gjeografi
Remontier – gjuhë letërsi
Elektricist kryesor - psikologji
Elektricist kryesor - i mesëm agronomi
Elektricist kryesor - merceologji
Financiere - gjuhë të huaja
Elektricist – merceologji
Drejtuese e njësisë operative - shkenca politike
Remontier – histori gjeografi
Remontier - fiskulturë
Specialist i sigurimit teknik - agromjedis
Këta janë të punësuar të partisë për të marrë vota dhe për të detyruar të tjerët të marrin vota”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
