Kryeministrja britanike Liz Truss e ka rimenduar sërish dhe së bashku me ministrin e saj të Financave Kwasi Kwarteng ka anuluar planin tatimor që synon uljen e taksave për më të pasurit.
Është e qartë se heqja e taksës prej 45% ka lënë në hije misionin tonë për të adresuar vështirësitë e vendit tonë. Për këtë arsye, unë po njoftoj se nuk do ta çojmë përpara.
Kështu shkroi në Twitter Ministri i Financave Kwasi Kwarteng këtë mëngjes.
Ne e kuptojmë, dëgjuam. Kjo do të na lejojë të përqendrohemi në zbatimin e elementeve kryesore të planit tonë të rritjes. Së pari, tavani i çmimit të energjisë.
Liz Truss, e cila mori detyrën në fillim të shtatorit, dhe kancelari i saj i Thesarit Kwasi Kwarteng njoftuan një paketë masive të mbështetjes energjetike për familjet më 23 shtator, shoqëruar me shkurtime masive të taksave.
Ulja e tatimit mbi të ardhurat për nivelin më të lartë, e cila do të ishte ulur nga 45% në 40%, ka qenë objekt polemikash të hidhura, pasi akuzohet se favorizon më të pasurit në mes të krizës së kostos së jetesës në Mbretërinë e Bashkuar. Janë paralajmëruar gjithashtu ulje të tjera taksash, duke përfshirë heqjen e taksave të korporatave dhe rritjes së sigurimeve shoqërore dhe pezullimin e taksave mjedisore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
