Efektivët e Forcave të Armatosura së bashku me ekipet lokale të zjarrfikësve gjatë ditës së sotme po përballen në luftë me flakët e një vatre të papritur të favorizuar nga erërat e forta.
Lajmi konfirmohet nga Ministria e Mbrojtjes e cila thotë se Forcat e Armatosura prej orësh po punojnë në terren të mbështetur dhe nga helikopterët e Forcës Ajrore.
Korrespondentja e MCN TV nga Delvina raporton se lagja “Kasapaj” është në rrezik nga zjarri, ndërkohë që për shuarjen e flakëve ka mbërritur dhe helikopteri.
Më herët Ministria e Mbrojtjes iu bëri thirrje banorëve të Delvinës që të ndjekin udhëzimet e ekipeve të emergjencës dhe të evakuohen menjëherë drejt zonave të sigurta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
