Një kaos është krijuar dje në aeroportet e Danimarkës dhe Norvegjisë, pas zbulimit të disa dronëve, që sollën anulimin e 50 fluturimeve. Sipas policisë “tre deri në katër dronë të mëdhenj”, filluan të fluturonin mbi aeroportin e kryeqytetit danez, duke hyrë dhe dalë nga aeroporti.
Aeroporti Kastrup, më i madhi i Danimarkës, u mbyll rreth orës 8:30 të mbrëmjes, raportuan mediat lokale, pas zbulimit të dronëve të dyshimtë që fluturonin mbi aeroport.
Ai u rihap rreth orës 1:00 të mëngjesit. Disa fluturime të planifikuara për t'u ulur në kryeqytetin danez u devijuan në aeroporte të tjera në të gjithë vendin, ndërsa brenda u formuan radhë të gjata pasagjerësh të bllokuar.
Me kalimin e orëve, rreth shtatëdhjetë fluturime u devijuan, përfshirë ato për në Malmö të Suedisë dhe Göteborg. Pesëdhjetë ngritje u anuluan.
Dronet nuk u qëlluan nga autoritetet, por u zhdukën vetë nga zona dhe ne nuk e dimë se ku shkuan, sipas Zëvendës Inspektorit të Policisë Jakob Hansen. "Po përpiqemi të zbulojmë," shtoi ai, "çfarë lloj dronësh ishin pranë aeroportit dhe nga vinin."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
