Ambasadori francez në SHBA ka publikuar një status në rrjetet sociale në momentin kur rezultatet nisën të tregonin qartë se Donald Tramp po e fitonte garën presidenciale. Gerard Araud, një diplomat me përvojë që pritet të punojë me presidentin e ri, e fshiu pak më vonë statusin e publikuar.
“Pas Brexit-it dhe këtyre zgjedhjeve, çdo gjë është e munudr. Bota po shembet para syve tanë. Marramendje”, shkroi ai në “Tuiter”.
Ky qëndrim, edhe pse u fshi shpejt, vjen pasi presidenti francez, Farnsua Holland, e quajti rezultatin e zgjedhjeve si “paralajmërim për një epokë pasigurie”.
“E përgëzoj ashtu siç është e natyrshme të ndodhë mes dy krerë shtetesh. Këto zgjedhje amerikanë kanë hapur një epokë pasigurie. Kjo gjë kërkon një Europë të bashkuar, të aftë për të bërë zërin e vet të dëgjohet dhe të zonjën për të promovuar politikat e saj sa herë interesat apo vlerat i cenohen”, tha Holland.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
