Parlamenti italian ka miratuar ligjin për shkurtimin e parlamentarëve.
Projektligji kushtetues që zvogëlon numrin e deputetëve në 400 nga 630 aktualisht dhe senatorët në 200 nga 315 aktualisht, u miratua përfundimisht në Montecitorio me 553 vota pro, 14 kundër dhe dy abstenime.
Duke qenë një projektligj kushtetues, kërkohej një shumicë absolute e anëtarëve të Kuvendit, e barabartë me 316 vota.
Kryeministri Giuseppe Conte ishte i pranishëm dhe zuri vend midis ministrave Bonafede dhe D'Incà.
"Projektligji kushtetues për të zvogëluar numrin e parlamentarëve është miratuar nga parlamenti, një reformë që prek kostot e politikës dhe e bën funksionimin e Dhomave më të efektshme. Një hap konkret për të reformuar institucionet tona: për Italinë është një ditë historike”, shkroi kryeministri Giuseppe Conte në Twitter. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
