28 persona humbën jetën mes tyre gra dhe fëmijë dhe 20 të tjerë mbetën të plagosur, pasi një autobus doli nga rruga në provincën Balochistan të Pakistanit.
Ngjarja ka ndodhur mëngjesin e së mërkurës në zonën e Wasuk, kur autobusi ishte duke udhëtuar nga Keta në Terbat.
Sipas të dhënave fillestare, autobusit i ka shpërthyer goma dhe për këtë arsye ai doli nga rruga dhe u përmbys.
Kryeministri Shehbaz Sharif shprehu ngushëllimet e tij për ngjarjen, duke u lutur për shpirtrat e të vdekurve. Ai urdhëroi gjithashtu autoritetet përkatëse për të ofruar ndihmë për të lënduarit.
Aksidentet rrugore me fatalitete të larta janë të zakonshme në Pakistan, ku masat e sigurisë janë të dobëta, trajnimi i shoferëve është i dobët dhe infrastruktura e transportit shpesh e rrënuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
