Christian Drosten, virologu i njohur gjerman nga Klinika Universitare në Berlin, thotë se varianti britanik i Covid, B.1.1.7, do ta vështirësojë më tej pandeminë.
Ne do të kemi pak pas pashkëve një situatë si në kohën e Krishtlindjeve
tha virologu.
Instituti Robert Koch para disa ditësh bëri një prognozë të zymtë të rritjes së infeksioneve, shkruan DW. Situata do të përkeqësohet më shumë për shkak të variantit britanik. Sidomos “kritike” ajo do të bëhet për brezin e pavaksinuar të personave rreth 50 vjeç.
Virologu Drosten është shprehur mbi disa studime për variantin britanik, e bilanci i tyre është se ky variant nuk është vetëm më infektues, por edhe më i rrezikshëm.
“Dhe ky nuk është lajm i mirë, sidomos këto kohë dhe me këtë situatë lajmesh.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
