Një atmosferë festive mbizotëron sot në qytetin e Elbasanit për Ditën e Verës, qytet ku ka rrënjët kjo festë pagane. Në një raportim për Mcn Live gazetari Enes Memolla bën me dije se në Elbasan kanë ardhur për të festuar edhe persona nga qytetet më të afërta, si Pogradeci, Korça, por edhe Berati.
Krasta është destinacioni ku shumë qytetarë vijojnë traditën e organizimit të piknikëve në natyrë. Në Elbasan çmimi i ballokumeve ka mbetur i njëjtë, 80 lekë të reja, por shitësit ankohen se nuk kanë aq shumë shitje sa vitet e kaluara.
Ndërkaq, një qytetare elbasanllije shprehet për Mcn: “Organizimi është shumë i bukur. Është një festë tradicionale që feston Elbasani. Uroj shëndet, mbarësi!”
Pritet që sot Elbasanin ta vizitojë edhe kryeministri Rama dhe ish-kryeministri Berisha.
Aktivitetet që do mbahen ditën e sotme në Elbasan
Parada e Karnavaleve, Bulevardi “ Aqif Pasha” ora 09.00
Koncert për fëmijë “ Mirëseerdhe pranverë” Sheshi “ Gensher” ora 10.00
Panairi i Zejeve, Lulishtja “ Aqif Pasha” ora 10.00 – 20.00
Ekspozitë : “ Elbasani nën penel”, Sheshi “ Kozma Naska”, ora 10.00 – 12.00
Arena e Sportit, Stadiumi “ Elbasan Arena” ora 11.00 – 12.30
Koncert festiv: Diell n’elbasan”, Sheshi “ Gensher” ora 11.00 – 12.30
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
