Seanca paraprake për dosjen “Partizani” për të cilin janë marrë të pandehur ish-kryeministri Sali Berisha dhe dhëndri i tij Jamarbër Malltezi, është shtyrë për në 25 nëntor.
Avokati i Berishës, Genc Gjokutaj tha për mediat se shtyrja e seancës është bërë për shkak të shkeljeve të afateve me 10 ditë që nga dita e hedhjes së shortit të çështjes, nga ana e Gjykatës së Posaçme kundër Korrupsionit dhe Krimit të Organizuar.
Ndër të tjera Gjokutaj tha se prania e klientit të tij në seancat paraprake dhe proceduriale nuk është e nevojshme.
Gjykata ka shkelur afatin 10 ditor të njoftimit nga dita e shortimit të çështjes.
Për shkak të pavlefshmërisë së njoftimit dhe për shkak të volumit të jashtëzakonshme të dosjes seanca u shty për në 25 nëntor ora 12:00.
U shkua tek verifikimi i palëve dhe tek konstatimi i këtij shkaku dhe u ndërpre për të na dhënë kohë.
Ne do të kërkojmë pushimin e çështjes pastaj vendimmarrja i takon gjykatës.
Prej një viti ish-kryeministri Sali Berisha ndodhet në masë sigurie “arrest shtëpie” i akuzuar lidhur me privatizimin e kompleksit sportiv “Partizani”.
Në cilësinë e kryeministrit asokohe, Berisha akuzohet ka kryer veprime aktive dhe ka dhënë urdhra konkretë për konkludimin e procedurave të privatizimit të ish-kompleksit “Partizani”, në favor të dhëndrit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
