Video/ Moti i keq në Vlorë, rrëshqitje dherash dhe probleme në disa zona në plazh

Moti i keq ka përfshirë qytetin bregdetar të Vlorës duke e shoqëruar me reshje me intensitet të lartë të cilat kanë krijuar një sërë problemesh.

Sipas informacioneve mësohet se për shkak të reshjeve dhe erës së fortë ka pasur dëmtime serioze në sheslonge në zonën e Lungomares dhe probleme janë konstatuar edhe në zona të tjera në plazh.

Ndër të tjera mësohet se për shkak të reshjeve ka pasur rrëshqitje të mëdha dherash në rrugën e lagjes 10 korriku, aty ku punohet për normalizimin e situatës dhe mos patur probleme në lëvizjen e automjeteve.

Gjithashtu gjatë natës ka pasur dhe ndërprerje të herëpashershme të energjisë elektrike në disa fshatra të Vlorës, por edhe në brendësi të qytetit për shkak të erës së fortë.