Google ka humbur apelin kundër një gjobe antitrust prej 2.42 miliardë eurosh të vendosur nga Komisioni Evropian në lidhje me shërbimin e blerjeve.
Vendimi u dha nga Gjykata e Përgjithshme Evropiane (EGC), e cila vendosi të lërë në fuqi gjobën.
Apelimi para Gjykatës më të lartë Evropiane të Drejtësisë është ende i mundur.
Komisioni argumentoi se Google kishte përdorur në mënyrë të padrejtë motorin e tij dominues të kërkimit për të ridrejtuar trafikun në Google Shopping, një shërbim që lejon përdoruesit të krahasojnë produktet dhe çmimet nga shitësit me pakicë në internet.
Brukseli thotë se kur kompania filloi shërbimin në vitin 2004, nën emrin Froogle, por nuk ishte i suksesshëm dhe nuk arriti t'i përmbushte pritshmëritë.
Por nga viti 2008, ekzekutivi pretendon se Google filloi të favorizojë sistematikisht shërbimin e tij të blerjeve në rezultatet e motorit të tij të kërkimit, dominimi i tregut të të cilit tejkalon 90% në shumicën e vendeve të BE-së. Google Shopping tani shfaqet në mënyrë rutinore në krye të rezultateve të kërkimit, vuri në dukje Brukseli.
Gjoba prej 2.42 miliardë euro u llogarit sipas të ardhurave të marra nga Google nga viti 2008 deri në 2017 në 13 vende të tregut të vetëm që Komisioni i konsideroi të prekura nga praktika e padrejtë, të cilat janë Gjermania, Mbretëria e Bashkuar (ende anëtare e BE-së kur filloi hetimi ), Franca, Italia, Holanda, Spanja, Republika Çeke, Austria, Belgjika, Danimarka, Norvegjia (jo anëtare e BE-së, por pjesë e tregut të vetëm), Polonia dhe Suedia.
Google u kundërpërgjigj kundër akuzave, duke thënë se mendimi i Komisionit Evropian ishte "i gabuar për ligjin, faktet dhe ekonominë" dhe shërbimi i tij në fakt kishte rritur zgjedhjen për konsumatorët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
