13 gusht, Dita Ndërkombëtare e Mëngjarashëve

13 gushti është Dita ndërkombëtare e mëngjarashëve dhe iu dedikohet 10-12% të njerëzve në të gjithë planetin.

Kjo ditë, e shpallur në vitin 1976, synon të rrisë ndërgjegjësimin për sfidat me të cilat përballen individët mëngjarashë në një botë kryesisht “të djathtë”.

 Është një ditë për të pranuar veçorinë e të mëngjarashëve dhe për të promovuar mirëkuptimin ndaj nevojave dhe përvojave të tyre.

Udhëtimi i individëve mëngjarashë nëpër histori ka qenë i mbushur me keqkuptime dhe sfida. 

Nga të qenit i lidhur me djallin në vitet 1600 deri tek përballja me “rikualifikim” të detyruar në shkolla, mëngjarashët kanë luftuar prej kohësh për t’u pranuar. 

Themelimi i Ditës së Mëngjarashëve shënoi një pikë kthese duke ofruar një platformë për festë dhe edukim.

Në kuptimin modern, “mëngjarashët” konsiderohen njerëzit që thjesht përdorin dorën e majtë më shpesh sesa të djathtën, dhe cila dorë përdoret për të shkruar luan një rol të rëndësishëm, por jo vendimtar në këtë. Sipas disa raporteve, çdo person i shtatë në tokë është mëngjarash.

Në Ditën e Mëngjarashëve, inkurajohet që personat e djathtë të bëjnë aktivitete me dorën e majtë, të cilat zakonisht i marrin si të mirëqena. Është më e vështirë se sa mendoni!