Një incident ka ndodhur para pak çastesh në mjediset e brendshme të Agjencisë Kombëtare të Shoqërisë së Informacionit.
Sipas raportimeve të para, një person është futur në ambientet e institucionit me thikë në dorë.
Kjo ka detyruar punonjësit të lajmërojnë policinë.
Pas ndërhyrjes së efektivëve të policisë, agresori është neutralizuar dhe është dërguar në spital. Pamjet e siguruara nga Tema TV tregojnë momentin kur ai është nxjerrë nga ndërtesa për t'u transportuar drejt spitalit.
Megjithatë, situata ka krijuar panik te punonjësit e institucionit, por edhe te kalimtarët në rrugë.
Nuk dihet identiteti i të ndaluarit, por dëshmitarë në vendngjarje thanë se agresori mund të jetë person me probleme mendore.
Policia nuk ka dhënë ende një version zyrtar të ngjarjes. Burime nga policia i thanë Tema TV se rasti në fjalë ka qenë një konflikt i çastit, por nuk ka dhënë detaje të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
