Kryeministri Edi Rama mikpriti sot në Tiranë Presidentin e Emirateve të Bashkuara Arabe, Mohamed bin Zayed Al Nahyan, i cili po viziton Shqipërinë për herë të parë si President i Emirateve të Bashkuara Arabe, në krye të një delegacioni të nivelit të lartë.
Presidenti i EBA, Mohamed bin Zayed Al Nahyan, u nderua me një ceremoni mirëseardhjeje në Pallatin e Brigadave, pas së cilës zhvilluan një takim kokë më kokë.
Gjatë kësaj vizite, u nënshkruan dhe u shkëmbyen disa marrëveshje bashkëpunimi mes palëve, konkretisht:
-Marrëveshja Kuadër për Veprim mes Masdar, TAQA, KESH dhe OST, që u shkëmbyen mes Zëvendëskryeministres dhe Ministres së Infrastrukturës dhe Energjisë Belinda Balluku, si dhe kryetarit të MASDAR Sulltan Al Jaber.
– Letër Angazhimi për Projektin Albania Smart City ndërmjet “Presight AI Ltd” dhe Ministrisë së Brendshme e Republikës së Shqipërisë, të shkëmbyera mes Ministrit të Brendshëm Ervin Hoxha dhe Kryetarit të “Presight AI Ltd” Sulltan Al Jaber.
Marrëveshjet u shkëmbyen në një ceremoni të posaçme në praninë e Kryeministrit Rama dhe Presidentit të EBA Mohamed bin Zayed Al Nahyan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
