Sekretari i Përgjithshëm i NATO-s, Jens Stoltenberg deklaroi sot se Ukraina duhet të marrë armët që i nevojiten për ta fituar luftën me Rusinë.
Duke folur me gazetarët në takimin e ministrave të Mbrojtjes të vendeve të NATO-s në Bruksel, Stoltenberg tha se konsultimet midis anëtarëve të aleancës për të mbështetur Kievin do të vazhdojnë gjatë dy ditëve të ardhshme.
“Sepse ne e dimë nevojën për të siguruar që Ukraina të marrë armët që i nevojiten për të qenë në gjendje të rimarrë territorin, të çlirojë territoret dhe të fitojë këtë luftë dhe të triumfojë si një komb sovran dhe i pavarur”, tha ai.
"Kur bëhet fjalë për artilerinë, ne kemi nevojë për municion, ne kemi nevojë për pjesë rezervë, ne kemi nevojë për mirëmbajtje, ne kemi nevojë për të gjithë logjistikën për të siguruar që ne jemi në gjendje të mbajmë këto sisteme të armëve," tha Stoltenberg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
