Në seancën e sotme gjyqësore ku është ballafaquar Emiljano Shullazi dhe biznesmeni Ylvi Beqja është bërë objekt edhe ish-kryeparlamentarja Topalli, shkruan “Panorama”.
Shullazi i është drejtuar Beqjes me pyetjen: A e ke çuar Jozefina Topallin ndonjëherë në Arabinë Saudite?
Menjëherë biznesmeni i është përgjigjur me jo dhe ka shtuar se e gjitha kjo ka qenë një sajesë. “Absolutisht jo! Është sajesë”, ka thënë ai.
Por Shullazi ka vazhduar: “Zoti kryetar, se kur i duhej suport politik, u thoshte atyrë arabëve se pse nuk i bëni ftesë ju”.
Në këtë mënyrë, Shullazi pretendon se Ylvi Beqja ka pasur lidhje politike me ish-kryeparlamentaren.
Në ballafaqim me Ylvin, që ka pranuar të jetë i afërt me ish-ministrin e Shëndetësisë, Ilir Beqaj, Shullazi i ka nxjerrë një sekret.
“Ju më keni premtuar se në momentin që do bëhej ministër i Brendshëm kushëriri juaj do i kisha të zgjidhura të gjitha çështjen me drejtësinë”, mësohet t’i ketë Shullazi Ylvi Beqajt në seancën e ballafaqimit.
Ndër të tjera, Shullazi ka thënë se Ylvi i kishte premtuar se do hapnin një biznes për riciklimin e mbetjeve spitalore dhe se për këtë do ndihmoheshin nga ish-ministri i Shëndetësisë, Ilir Beqaj, kushëriri i Ylvit.
“Më premtove se do hapnim biznes për riciklim mbetjesh spitalore bashkë. Kur unë të pyeta si do e hapnim biznesin, më the kam kushëri Ilir Beqajn”, mësohet të ketë thënë ai në gjyq, raporton "BW'.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
