Prokuroria e Posaçme ka publikuar një bilanc për vitin 2024, duke iu përgjigjur indirekt përmes shifrave kryeministrit Rama lidhur me kritikat për paraburgimin e kryebashkiakut Erion Veliaj.
Prokuroria e Posaçme thekson se nga totali me 2791 të paraburgosur, numri i personave të hetuar nga SPAK është vetëm 270.
Sipas SPAK, numri i personave ndaj të cilëve është caktuar masë “arrest me burg” janë 236 persona, ndërsa të hetuar në gjendje të lirë janë 246 persona.
Gjatë vitit 2024, Prokuroria e Posaçme ka kryer hetime ndaj 629 personave.
Prej tyre, vetëm 236 persona ose 37.5% janë hetuar nën masën e sigurimit “arrest me burg”, i parashikuar nga neni 238 i Kodit të Procedurës Penale.
246 persona ose 39.1% janë hetuar në gjendje të lirë.
147 persona ose 23.4 % të hetuar me masa të tjera sigurimi.
Raporti i të paraburgosurve:
Sipas Drejtorisë së Përgjithshme të Burgjeve, numri total i personave në paraburgim është 2791 për vitin 2024.
Nga totali prej 2791, numri i personave në paraburgim të hetuar nga SPAK është 270 persona ose 9.7%
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
