OKB thotë se 14 mijë njerëz janë arrestuar gjatë protestave në Iran, duke paralajmëruar se përdorimi i panevojshëm dhe joproporcional i forcës në Iran duhet të ndalet.
“Ne po përballemi me një krizë të vërtetë të të drejtave të njeriut në Iran dhe situata aktuale në vend është e paqëndrueshme”, tha sot në Gjenevë Komisioneri i Lartë i Kombeve të Bashkuara për të Drejtat e Njeriut Volker Türk.
Sipas informacionit të mbledhur nga OKB-ja, rreth 14,000 njerëz, përfshirë fëmijë, u arrestuan në kuadër të protestave, të cilat shpërthyen më 16 shtator.
Që nga fillimi i protestave, forcat e sigurisë janë përgjigjur duke përdorur forcë kundër protestuesve të paarmatosur dhe kalimtarëve që nuk përbënin kërcënim për jetën. Në shpërfillje të hapur të rregullave ndërkombëtare për përdorimin e forcës, I bëj thirrje qeverisë dhe atyre që janë në pushtet të dëgjojnë protestuesit dhe të pranojnë ankesat e thella sociale, ekonomike dhe politike që janë grumbulluar.
Volker Türk i kërkoi autoriteteve iraniane të nisin procese hetimore të pavarura, të paanshme dhe transparente për shkeljet e pretenduara të të drejtave të njeriut, në përputhje me standardet ndërkombëtare, të ndalojnë menjëherë përdorimin e dhunës dhe ngacmimit kundër protestuesve paqësorë dhe të lirojnë të gjithë të arrestuarit për protesta paqësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
