Një situatë e pazakontë në Shtëpinë e Bardhë gjatë një konference të presidentit Trump. Ndërsa ky i fundit po niste komunikimin me shtypin, mbi situatën e koronavirusit në vend, është shoqëruar dhe nxjerrë jashtë sallës në mënyrë të papritur nga një agjent i Shërbimit Sekret. Ai u kthye disa minuta më vonë, duke thënë se kishte pasur “të shtëna” jashtë Shtëpisë së Bardhë që situata ishte vënë nën kontroll.
"Ka pasur të shtëna dhe dikush është dërguar në spital", tha Trump. Presidenti tha se është hapur zjarr nga forcat e rendit dhe shtoi se besonte që individi, i cili u qëllua, ishte i armatosur. "Është qëlluar i dyshuari", tha Trump. Duke shtuar se "ngjarja mund të mos ketë pasur lidhje me mua", Trump vlerësoi punën e personelit të Shërbimit Sekret për ruajten e sigurisë së tij fizike.
Pas këtij incidenti, Shtëpia e Bardhë u mbyll. / Associated Press/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
