Dalai Lama kërkon ndjesë për komentet e tij seksiste

Dalai Lama bëri mea culpa për disa fraza seksiste të shprehura gjatë një interviste të dhënë kohët e fundit në BBC.

 "Shenjtëria e Tij nuk donte të ofendonte dhe kërkon falje", deklaron zyra e tij pas polemikave që lindën prej deklaratës së udhëheqësit shpirtëror të budistëve tibetian kur tha se nëse do të jetë një grua, duhet gjithashtu të jetë edhe tërheqëse: "Përndryshe njerëzit nuk do të dëshironin të ma shihnin fytyrën".
i pyetur nëse rimishërimi i saj i ardhshëm mund të ishte një grua ai u përgjigj: "Po, por duhet të jetë më tërheqëse. Vërtet bukuria e vërtetë është ajo e brendshme, por ne jemi qenie njerëzore, mendoj se edhe paraqitja është e rëndësishme", ishte përgjigja. Në ndjesën zyrtare thuhet: "Shenjtëria e Tij, një murg mbi 80 vjeç, ka qenë gjithnjë kundër objektivizimit të gruas, megjithatë nganjëherë ndodh që komente, të cilat mund të jenë argëtuese në një kontekst tjetër, humbasin humorin e tyre në një kontekst tjetër”.