Një zjarr masiv ka përfshirë ditën e sotme kodrat pranë fshatit Dishnicë në Korçë.
Sipas policisë ndërhyrja e shpejtë e saj dhe e Emergjencave civile ka evidentuar një katastrofë.
Ka qenë një njoftim i cili ka arritur në portalin e Komisariatit Dixhital nga ku dhe kërkua ndihmë.
Sipas bluve me të marrë denoncimin, menjëherë shërbimet e Policisë dhe Emergjencat Civile të cilat shkuan në vendin e ngjarjes. Si rezultat i ndërhyrjes së shpejtë dhe efikase, u bë i mundur parandalimi i përhapjes të mëtejshme të flakëve, lokalizimi dhe më pas shuarja e zjarrit.
Sakaq, policia ka shoqëruar një 17-vjeçar i dyshuar për vendosjen e zjarrit në pyll, nga pakujdesia.
‘Në Komisariatin e Policisë Korçë, u bë shoqërimi i shtetasit P.H, 17 vjeç, banues në fshatin Belorta, i cili po merret në pyetje në lidhje me ngjarjen e sipërme pasi dyshohet se zjarri në pyll është shkaktuar nga një cigare e hedhur në pyll nga pakujdesia e këtij të fundit, kur ka qenë duke kullotur bagëtitë, i cili më pas mori përmasa të konsiderueshme”, thuhet në njoftimin e policisë.
Ndërkaq, po punohet për dokumentimin e plotë të ngjarjes, ndërsa materialet do t’i kalojnë Prokurorisë të Rrethit Gjyqësor Korçë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
