Përplasen tre automjete në Elbasan, humb jetën 43-vjeçarja

Një aksident i rëndë ka ndodhur mëngjesin e sotëm, në aksin rrugor Elbasan- Peqin.

Bëhet me dije se ne aksident janë përfshirë dy 'Skoda' dhe një 'Benz'.

Si pasojë e aksidentit  e aksidentit të rëndë ka humbur jetën pasagjerja, një grua 43-vjeçare, banuese në Kuçovë, Berat.

Njoftimi

Në aksin rrugor Elbasan- Peqin, në fshatin Murras mjeti tip ” Skoda”, me drejtues shtetasin A.I.,rreth 45 vjeç, banues në Kuçovë, Berat është përplasur me mjetin tip “Skoda” me drejtues shtetasin N.H., si dhe me mjetin tip “Benz” me drejtues shtetasin R.B., banues në Maqedonin e Veriut.

Si pasojë e aksidentit ka ndërruar jetë shtetasja G.I.,43 vjeçe, banuese në Kuçovë, Berat e cila ishte pasagjere në mjetin tip “Skoda”, si dhe janë plagosur të tre drejtuesit e mjeteve,jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit.