Ish-drejtoresha e Inspektoriatit Kombëtar të Mbrojtjes së Territorit dhe ish-numri 1 i Hipotekës, Dallëndyshe Bici, është paraqitur në SPAK paraditen e sotme.
Gazetari Arsen Rusta raportoi për “MCN Live” se nuk ka informacion për cilën çështje është thirrur.
Dyshimet janë se është thirrur nga SPAK në cilësinë e personit që ka dijeni për rrethanat e hetimit sa i takon çështjes së AKSHI-t. Por zonja Bici nuk është përfshirë në dosjen AKSHI.
Megjithatë nuk përjashtohet mundësia që të ketë dijeni. Prania e saj pa një avokat lë të kuptosh se bëhet fjalë për një person që ka dijeni për rrethanat e një vepre penale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
