Gazetarja ruse që u shfaq gjatë transmetimeve Live në televizionin shtetëror rus me një pankartë kundër luftës në Ukrainë, shprehet jashtëzakonisht e shqetësuar për sigurinë e saj.
Marina Ovsyannikova u gjobit me 30,000 rubla për shkeljen e ligjeve të protestës disa orë pasi ajo u shfaq papritur gjatë edicionit të lajmeve në Channel One, në një demonstratë kundër pushtimit rus të Ukrainës.
Në një intervistë me “Reuters’, Ovsyannikova tha se nuk kishte plane të ikte nga Rusia dhe se shpresonte se nuk do të përballej me akuza penale.
Ajo i tha “Reuters”:
Besoj në atë çka bëra, por tani e kuptoj shkallën e problemeve me të cilat do të më duhet të përballem, dhe natyrisht jam jashtëzakonisht e shqetësuar për sigurinë time. Unë absolutisht nuk ndihem heroinë... E dini, dua shumë të ndjej se kjo sakrificë nuk ishte e kotë dhe se njerëzit do të hapin sytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
