Një tjetër person ka rënë në prangat e policisë, i kërkuar nga SPAK, në kuadër të aksionit ndaj Call Centerave mashtrues që u godit disa javë më parë në bashkëpunim me autoritetet italiane.
Bëhet fjalë për shtetasin italian, Cosimo Notaristefano, i cili u kap në tentativë për të dalë nga Porti i Durrësit.
Në fillim të janarit, gjatë të njëjtit operacion, u arrestuan 8 persona, ndërsa ende vijojnë në kërkim tre vëllezër nga Tropoja: Agim, Alfred dhe Arjan Prekaj.
Sipas mediave italiane, hetimet në vendin fqinj kanë fokus Alfonso Vicinanza, një oficer policie nga Salerno, i akuzuar për rekrutimin e të rinjve që t’i dërgonin në Tiranë për të mashtruar mijëra qytetarë italianë.
Ndër menaxherët e Call Centerave mashtrues, të cilët u kthyen në Itali pas operacionit në Shqipëri, thuhet se është edhe Carmine Vicinanza, djali i Alfonso-s.
Operacioni vërteton bashkëpunimin e autoriteteve shqiptare dhe italiane në goditjen e skemave kriminale që synojnë mashtrimin e qytetarëve të huaj përmes telefonit dhe internetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
