Shkon në nëntë bilanci i viktimave që kanë humbur jetën nga koronavirusi. Një paciente 52-vjeçare nga Vlora, e konfirmuar me COVID-19, ka humbur jetën mbrëmjen e sotme në Spitalin Infektiv.
Siç bëhet e ditur nga autoritetet shëndetësore, dy ditët e fundit, gjendja e saj ishte rënduar dhe po trajtohej në terapi intensive. Gruaja vuante edhe nga hipertensioni.
Ministria e Shëndetësisë apelon qytetarët të respektojnë me shumë rigorozitet rregullat e izolimit dhe distancimit social si dhe të telefonojnë urgjencën kombëtare në numrin 127 në rast se kanë shenja të sëmundjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
