Drejtori i përgjithshëm i MCN TV, Endri Meksi e cilësoi pozitive nismën e qeverisë për të rikthyer bastet online. Ai tha se nga bastet ilegale qarkullojnë 1.5 miliard euro në vit dhe se ky treg duhet formalizuar. Meksi gjithashtu theksoi se ka një interes të lartë nga kompanitë për të marrë lincensën e operimit në këtë sektor.
Për Meksin, nga këndvështrimi teknik, risia e draftit është eliminimi i konceptit NIPT-i sekondar, i cili ishte element kyç deri në 2018 në mënyrën se si hapeshin njësitë e dyta dhe të treta të operatorëve legalë të basteve sportive. Në vijim Meksi shtoi se bastet dhe lojërat e fatit kudo në botë janë një treg i rregulluar dhe i mbikëqyrur, pasi në momentin që kompania operon pa licencë është e paligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
