Një kopje e Mona Lizës së Leonardo da Vinçit që daton më shumë se 400 vjet më parë është shitur për 210,000 euro.
Piktura kaloi disa kohë në shtëpinë e ankandit "Artcurial", në Bruksel, përpara se të transportohej në Christie's në Paris për një ankand që u zhvillua dje.
Origjinali i Leonardos, të cilin mbreti francez Francois I bleu nga piktori në 1518, mund të gjendet në muzeun e Luvrit të Parisit dhe nuk është në shitje.
Por ky version, që daton rreth vitit 1600, është aq i ngjashëm me origjinalin saqë ekspertët thonë se ka të ngjarë që artisti të ketë pasur qasje të afërt me versionin e Leonardos .
Vlerësimet origjinale supozuan se kopja do të kushtonte 150,000-200,000 €.
Kjo kopje njihet si Mona Lisa e Hekking-ut, sipas ish-pronarit Raymond Hekking, një tregtar i cili vdiq në vitin 1977. Ai e bleu veprën nga një tregtar arti në Nice gjatë viteve 1950.
Hekking e bleu pikturën për vetëm 2,57 € dhe kaloi një pjesë të madhe të jetës së tij i bindur se ishte Mona Lisa e vërtetë dhe bëri një fushatë publicitare duke pretenduar kështu.
Kjo nuk është hera e parë që një kopje e Mona Lizës është në krye dhe në qendër të botës së ankandeve të artit.
Ka të paktën një duzinë kopjesh në botë - shumë prej të cilave janë pikturuar nga studentët e Da Vinçit .
"Mona Lisa është gruaja më e bukur në pikturë," tha Matthieu Fournier, eksperti dhe drejtuesi i ankandit i Artcurial, ndërsa piktura doli në ekspozitë publike përpara shitjes në Belgjikë.
“Të gjithë duan të kenë një version me cilësi të lartë të Mona Lizës”.
Në qershor, një koleksionist evropian bleu një kopje tjetër të shekullit të 17-të të Mona Lizës për 2.9 milionë euro, një rekord për një riprodhim të veprës, në një ankand në Christie's në Paris.
Në vitin 2017, Christie's Neë York shiti "Salvator Mundi" të Leonardos për një vlerë rekord prej 389 milionë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
