Barazia gjinore është gjithnjë e më larg. Nëse gjërat nuk ndryshojnë, do na duhen edhe 300 vjet.
Ky ishte alarmi që sekretari i Kombeve të Bashkuara, Antonio Guterres , lëshoi në Asamblenë e Përgjithshme në kuadër të Ditës Ndërkombëtare të Gruas, 8 Marsit .
Të drejtat e grave kërcënohen dhe shkelen në të gjithë botën. Progresi i dekadave të fundit për të drejtat e grave në botë po venitet para syve tanë.
Guterres renditi një sërë çështjesh kritike si vdekshmëria e nënave, përjashtimi i vajzave nga shkolla, detyrimi i vajzave për martesë në moshë të re.
Në veçanti, Guterres theksoi kushtet e rënda në Afganistanin e sunduar nga talebanët, ku gratë dhe vajzat janë ‘fshirë’ nga jeta publike. Ai nuk e përmendi Iranin, një vend i dëbuar dhjetorin e kaluar nga Komisioni i OKB-së për Statusin e Grave pikërisht për shkak të shtypjes së dhunshme të protestave të grave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
