Një tjetër protestë u zhvillua këtë të diel nga fermerë të cilët kundërshtojnë rritjen e çmimeve.
Dhjetëra fermerë u mblodhën në aksin Lushnje-Berat, duke protestuar kundër rritjes së çmimit të naftës dhe mungesën e subvencioneve.
Fermerët kërkojnë rritjen e fondeve të qeverisë për bujqësinë.
Ky është një vetorganizim i fermerëve nga rrjetet sociale. Duke marrë në konsideratë rritjen e çmimeve dhe vështirësinë në aspektin ekonomik, gjenden sot në rrugë.
VKM-ja e datës 09/02 ishte një tallje për fermerët që i detyroi ata të dalin në rrugë të madhe”, u shpreh një protestues për MCN TV.
Në pankartat e shpalosura ironizohet qeveria që nuk është besnike ndaj premtimeve për fermerët, por flirton me PPP-të dhe koncesionet.
“Mos u tallni me fshatin”, apo “Një kafe 80 lekë, një litër qumësht 40 lekë”, ishin disa nga mbishkrimet në pankartat e protestuesve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
