Grabit të pasurit dhe shpërndajua të varfërve. Kjo ishte motoja e bandës së grabitësve shqiptarë, të përbërë nga 9 anëtarë, të cilët u arrestuan në Cuneo të Italisë.
Ata akuzohen për grabitjen e 18 banesave në 4 muaj, nga nëntori i vitit të kaluar, deri në shkurt të këtij viti, ndërsa këto janë pamjet e disa prej këtyre grabitjeve, të shpërndara nga policia italiane.
Gjithashtu, ata akuzohen edhe për pranim të mallrave të vjedhura apo përkrahjen e një personi që ishte dënuar për vrasje në tentativë.
Më i riu, nga 9 të arrestuarit është 29 vjeç dhe më i madhi 38. Njëri prej tyre, në profilin e tij, në facebook-it në zërin e profesionit kishte shkruar fjalën “hajdut”. Shtabi i grupit ishte në Cuneo, ku ata planifikonin grabitjet dhe më tej banda përhapen edhe në Milano dhe zona të tjera.
Njëri prej tyre, Sokol Shkambi, u arrestua për shkelje të ligjit të imigracionit ndërsa një tjetër u ndalua në një furgon, ndërsa po shkonte në Shqipëri. Me vete në furgon kishte bizhuteri, kompjutera, tableta dhe materiale të tjera. Rrjetit kriminal i’u gjetën edhe 2 automjete të vjedhura dhe 40.000 euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
