Presidenti i zgjedhur amerikan, Donald Trump deklaroi se protestat kundër tij në qytete të ndryshme, që nisën të mërkurën dhe vazhduan deri ditën e djeshme janë vepër e protestuesve profesionistë, të nxitur nga media.
“Sapo patëm zgjedhje presidenciale shumë të hapura dhe të suksesshme. Tani protestuesit profesionistë, të shtyrë nga media, po protestojnë. Shumë e padrejtë!”, shkruan Trump në Twitter.
Ai gjithashtu tha se takimi i tij me presidentin aktual, Barack Obama shkoi shumë mirë dhe se bashkëshortja e tij, Melania Trump e kishte pëlqyer shumë zonjën Obama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
