Kryeministrja e Serbisë, Ana Brnabiç, do të vizitojë Kosovën ditën e hënë, më 5 shtator.
Kjo është vizita e parë e Brnabiç si Kryeministre në Kosovë, ku në fillim do të ndalet në Mitrovicë, Zveçan dhe më tej në Leposaviq, ku do të takohet me serbët e Kosovës.
Radio Evropa e Lirë, duke cituar burime nga Ministria për Punët e Jashtme e Kosovës, konfirmon se kërkesa e Kryeministres serbe për të zhvilluar vizitë një ditore, ka marrë përgjigje pozitive.
Më konkretisht në përgjigje citohet, “Dhënia e lejes për vizitë bazohet në marrëveshjen lidhur me vizitat e ndërsjella të përfaqësuesve politikë mes Republikës së Kosovës dhe Serbisë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
